Hárið - Síðasta aukasýning sumarsins komin í sölu

Leikhópurinn þurfti að taka sér tímabundið frí vegna Eurovision þátttöku og annarra verkefna í maí en stefnan er sett á þrjár sýningar yfir Hvítasunnuna sem allar eru komnar í sölu. Sýningin er sett upp af leikhópnum Silfurtunglinu, þar sem koma saman margir af bestu söngvurum landsins og ljá hrífandi persónum lífi með leik og söng.

Hægt er að kaupa miða í sæti eða lautina en sama miðaverð er á báða staðina: sætin eru umhverfis sviðið en í lautinni eru þægindin í fyrirrúmi á teppum og púðum í nánd við leikarana - áhorfandinn upplifir þannig hina sannkölluðu „Woodstock“ stemningu.

Nánari upplýsingar og miðapantanir í miðasölu Hofs s. 450 1000 eða hér.

Lifi ljósið!