Hæfileikakeppni ungmenna, fitnesskeppni, popptónlist, Galdrakarlinn í Oz og myndlistarsýning barna

Það er ekki hægt að segja annað en að fjölbreyttir viðburðir séu í Hofi þessa dagana.

Helgin framundan er engin undantekning á þvi.

 

Í morgun fimmtudaginn 3. apríl opnaði myndlistarsýningin Ísland með okkar augum sem unnin er af nemendum í 2.-10. bekk í Naustaskóla

í tilefni af Barnamenningarhátíðinni á Akureyri.

 

Hæfileikakeppni Akureyrar fyrir börn í 5.-10. bekk fer fram í dag kl 16, en þar eru átján atriði skráð til keppni og þrjátíu og þrír þátttakendur

sem munu láta ljós sitt skína á stóra sviði Hamraborgar. Frítt er inn og öll velkomin.

 

Hljómsveitin Skítamórall fagnar 35 ára afmæli sínu föstudagskvöldið 4. apríl kl. 20 í Hamraborg.

Hljómsveitin er eitt stærsta nafn aldamótakynslóðarinnar og lög eins og Farin, Myndir, Svífum, Ennþá, Fljúgum áfram

og fleiri sem eru fyrir löngu orðin einkennislög þessa kröftuga tímabils í íslenskri tónlist.

 

Íslandsmótið í fitness verður haldið laugardaginn 5. apríl, þar munu fimmtíu keppendur stíga á svið og keppt verður í

fitness karla og kvenna, sportfitness karla, módelfitness, wellness sem og vaxtarrækt.

 

Leikfélag Menntaskólans á Akureyri rammar inn helgina með því að bjóða uppá tvær sýningar fyrir alla fjölskylduna á Galdrakarlinum í Oz.

Þetta eru allra síðustu sýningar á þessum skemmtilega söngleik þar sem hátt í 100 nemendur koma að uppsetningunni.

Sýningin er fyndin, hjartnæm og sannkölluð veisla fyrir allan aldur.

 

Tryggið ykkur miða á viðburði helgarinnar hér 

Hlökkum til að sjá ykkur í Hofi!