Diskóeyjan mætir aftur í Hof á nýju ári

Óttar Proppe, Páll Óskar, Sigtryggur Baldursson og meðlimir Memfismafíunnar ásamt fríðu föruneyti flytja fönkóperuna Diskóeyjan af samnefndri nýútkominni plötu.

Inniheldur m.a. ofursmellinn „Gordjöss“ og diskóslagarann „Dýrin á Diskó“ ásamt fjölmörgum öðrum sjóðheitum fönk- og diskóslögurum fyrir alla fjölskylduna. Auk þess verða tekin lög af barnaplötunni sívinsælu „Gilligill“ sem kom út fyrir tveimur árum og gerð af sama hópi.

Lög og textar eftir Baggalútinn Braga Valdimar Skúlason.

Miðasala er hafin hér. Hlökkum til að sjá ykkur!