Þjóðsagnakeppni Umskiptinga
23.09.2019
Galdragáttin og þjóðsagan sem gleymdist er frumsýnd 5. október í Samkomuhúsinu.
Í tilefni frumsýningar á fjölskyldusýningunni Galdragáttin og þjóðsagan sem gleymdist sem og 200 ára fæðingarafmæli Jóns Árnasonar blæs leikhópurinn Umskiptingar til þjóðsagnasamkeppni fyrir krakka í 2.-7. bekk grunnskóla.
Sagan má að hámarki vera 500 orð fyrir börn í 2.-.4. bekk og 1000 orð fyrir 5.-7. bekk.
Verðlaunaafhending í Samkomuhúsinu á degi íslenskrar tungu þann 16. nóvember!
Handritshöfundar Galdragáttarinnar sitja í dómnefnd og horfa sérstaklega til hverskyns frumsköpunar og hugmyndaauðgi í sögunum.
Skilafrestur rennur út föstudaginn 1. nóvember - en sögum má skila á netfangið umskiptingar@gmail.com.