Eyrin Restaurant opnar í næstu viku
05.11.2019
Nýr veitingaaðili hefur tekið við rekstri veitingastaðarins í Hofi.
Nýi veitingastaðurinn í Hofi, Eyrin Restaurant, mun hefja rekstur miðvikudaginn 13. nóvember.
Samkvæmt Guðmundi Ragnari Sverrissyni, matreiðslumanni og eiganda, mun Eyrin Restaurant leggja áherslu á létta rétti í smáréttastíl; rétti sem hægt er að deila yfir góðum drykkjum. Einnig verður boðið upp á bröns um helgar.
„Nafnið var valið með tilvísun í Eyrina á Akureyri og þar sem lögð verður áhersla á íslenska rétti þá vildum við hafa nafnið á íslensku,“ segir Guðmundur Ragnar.