Fjölbreytt vetrardagskrá - Miðasala að hefjast

Á meðal nýjunga í vetur eru kvikmyndasýningar í Hamraborg þar sem Bíó Paradís mun í samstarfi við KvikYndi (Kvikmyndaklúbb  Akureyrar) sýna sígildar kvikmyndir á breiðtjaldi í bestu mögulegu hljómgæðum og færa þannig andrúmsloft kvikmyndanna í Hof.

Útvarpsþátturinn Gestir út um allt sem vann hylli hlustenda um allt land sem og áhorfenda í sal síðasta vetur hefur göngu sína á ný í lok ágúst þegar að Margrét Blöndal og Felix Bergsson taka á móti góðum gestum. Aðalgestur í þessum fyrsta þætti er Eyjólfur Kristjánsson og leynigesturinn á eftir að koma skemmtilega á óvart. Ábarnamorgnumí vetur verður tekið vel á móti yngstu kynslóðinni með ævintýralegri dagskrá og barnamenningarhátíðinBörnfyrirbörn verður áfram á sínum stað.

Nánari upplýsingar um dagskrá vetrarins er að finna á viðburðarsíðu. Athugið að listi yfir viðburði er ekki tæmandi og nýir viðburðir geta bæst við.

Áskriftarkort Hofs –nýtt í vetur

 Nýjung í starfsemi Hofs þennan veturinn eru áskriftarkort þar sem fólk getur sett saman sína eigin dagskrá. Þrjár tegundir af áskriftarkortum eru í boði - Klassíska kortið, Brot af því besta og Dúndur - og velja gestir það kort sem fellur best að þeirra smekk. Nánari upplýsingar um áskriftarkortin er að finna hér.

Miðasala Hofs hefur opnað á ný eftir sumarfrí og er opin alla virka daga frá 13-19. Miðasala á vefnum er opin allan sólarhringinn. Nánari upplýsingar má fá í síma 450 1000 eða með því að senda fyrirspurn á netfangið midasala@menningarhus.is.

Sjáumst í Hofi!