Flakkið

Listamenn taka sig saman og rifja upp listasöguna í gegnum listmiðlana þrjá; tónlist, leiklist og myndlist.

Leikarar frá Silfurtunglinu og Leikfélagi Akureyrar leiklesa brot úr Villiöndinni eftir Henrik Ibsen, Fröken Júlíu eftir August Strindberg og Kirsuberjagarðinum eftir Anton Chechov. Nemendur Myndlistarskólans á Akureyri teikna upp leikmynd fyrir verkin og þeim varpað upp og nemendur úr Tónlistarskólanum á Akureyri leika tónlist í takt við verkin.

Flakkið er samstarfsverkefni Hofs, Silfurtunglsins, Leikfélags Akureyrar, Tónlistarskólans á Akureyri, Myndlistarskólans á Akureyri og Bandalags íslenskra leikfélaga.