Friðrik Ómar með fimmu um helgina

Það verður sannkölluð hátíð í Hofi um helgina þegar jólatónleikarnir Heima um jólin með Friðrik Ómar í fararbroddi taka á móti prúðbúnum gestum í Hamraborg. Hvorki færri né fleiri en fimm tónleikar eru á dagskránni, þrennir á laugardeginum og tvennir á sunnudeginum. Friðrik Ómar fær til sín frábæra söngvara og vini sem eiga eflaust eftir að framkalla hverja gæsahúðina á fætur annarri og kitla hláturtaugarnar. Ekkert hlé verður á viðburðinum og ekki gleyma hraðprófinu! Hér að neðan finnurðu allar upplýsingar um sóttvarnarreglur. 

Að sama skapi verður  mikið líf og fjör í Samkomuhúsinu þar sem nemendasýning Leiklistarskóla Leikfélags Akureyrar fer fram um helgina. Skráning á næstu önn verður auglýst fljótlega.