Innrásarvíkingarnir - uppistand

Beggi blindi á að baki langan uppistandsferil frá því hann sigraði Fyndnasta mann MH 2004 og hefur komið fram um allt landið. Húmorinn hans gefur svarta sýn á tilveruna, enda er hann blindur eins og nafnið gefur til kynna. 

Rökkvi hefur komið fram á Íslandi, Írlandi, Englandi, Hollandi, Belgíu og Kanada, þar sem hann vann í fyrstu umferð af Great Canadian Laugh Off keppninni árið 2006.  Hann var með þáttinn „Hinn eini sanni“ á Útvarpi Sögu 2008 og gerði grínlögin „Kartöflugeymsluna“ og „Dóra feita“.  Hann er einnig þekktur fyrir allskyns sprell eins og að hlaupa niður Laugaveginn í Borat skýlu um hábjartan dag.  Rökkvi er skömmustulaus, illkvittinn og ósérhlífinn uppistandari sem lætur allt flakka. 

Elva Dögg Gunnarsdóttir er tiltölulega ný í uppistandi en hefur fljótt gripið mikla athygli í bransanum. Hún er eini uppistandarinn á Íslandi með Tourette heilkenni og er frumlegur og blátt áfram grínisti sem gerir óspart grín að sjálfri sér og tilverunni.

Miðasala fer fram hér á vefnum og við innganginn.

Miðaverð aðeins 1.500 kr.