Íþróttakona og íþróttakarl Akureyrar kjörin í Hofi

Kjör á íþróttakonu og íþróttakarli Akureyrar fer fram í Menningarhúsinu Hofi á miðvikudaginn, 31. janúar. 

Íþróttabandalag Akureyrar og Akureyrarbær bjóða bæjarbúum til athafnar í Hofi þar sem kjöri íþróttakonu og íþróttakarls Akureyrar verður lýst en þetta er í 45. sinn sem íþróttafólk Akureyrar er heiðrað.

Dagskrá hátíðar:

• Hátíðin sett af formanni ÍBA
• Ávarp formanns fræðslu og lýðheilsuráðs
• Kynning á Íslandsmeisturum 2023
• Kynning á heiðursviðurkenningum Fræðslu- og lýðheilsuráðs
• Styrkveiting úr Afrekssjóði Akureyrar
• Kynning á tilnefningum tíu efstu til Íþróttafólks Akureyrar 2023
• Kjöri íþróttkarls og íþróttakonu Akureyrar 2023 lýst

Athöfnin er opin öllum. Húsið opnar klukkan 17 en athöfnin hefst kl. 17:30.  Hér er hægt að sjá efstu tilnefningar.