Kvennakór Akureyrar - mæðrastyrkstónleikar

Kórinn hefur undanfarin ár haldið tónleika á aðventunni þar sem allur ágóði rennur óskiptur til Mæðrastyrksnefndar. Allir sem fram koma á tónleikunum gefa vinnu sína.

Með kórnum á þessum tónleikum koma fram einsöngvararnir Guðrún Gunnarsdóttir og Ívar Helgason.

Hljómsveit skipa þeir Aladár Rácz á píanó, Pétur Ingólfsson á kontrabassa og Emil Þorri Emilsson á slagverk.

Stjórnandi kórsins er Daníel Þorsteinsson.

Frítt fyrir 14 ára og yngri.