Menningarfélag Akureyrar óskar eftir að ráða markaðs- og kynningarstjóra

Menningarfélag Akureyrar ses. óskar eftir að ráða markaðs- og kynningarstjóra.

 

Menningarfélag Akureyrar býður upp á skapandi og líflegan vinnustað í fjölbreyttu og skemmtilegu starfsumhverfi. Menningarfélagið samanstendur af Leikfélagi Akureyrar, Sinfóníuhljómsveit Norðurlands og Menningarhúsinu Hofi.

 

Helstu verkefni og ábyrgð

• Umsjón með og ábyrgð á kynningar- og markaðsmálum Menningarfélagsins í samstarfi við sviðsstjóra og framkvæmdastjóra
• Framkvæmd og eftirfylgni birtinga- og markaðsáætlana
• Gerð og eftirfylgni kostnaðaráætlana
• Yfirumsjón með framleiðslu á markaðs- og kynningarefni ásamt textagerð
• Yfirumsjón með heimasíðu, samfélagsmiðlum, stafrænni markaðssetningu ásamt greiningu gagna
• Samskipti við fagaðila á sviði markaðsmála

 

 

Menntunar- og hæfniskröfur

• Háskólamenntun eða önnur menntun sem nýtist í starfi
• Reynsla af markaðsstörfum
• Reynsla af stafrænni markaðssetningu og góð færni í að lesa og greina gögn
• Afar góð hæfni í textaskrifum á íslensku og ensku
• Framúrskarandi hæfni í mannlegum samskiptum
• Geta til þess að vinna í teymi og undir álagi
• Hugmyndaauðgi, frumkvæði, skipulag og sjálfstæð vinnubrögð
• Drifkraftur og metnaður í starfi

 

 

Til þess að sækja um þarf að senda ferilskrá og umsóknarbréf á netfangið umsoknir@mak.is.

Umsóknarfrestur er til og með 12.05.2024. Umsjón með ráðningunni hefur framkvæmdastjóri, Eva Hrund Einarsdóttir.

 

MENNINGARFÉLAG AKUREYRAR