Prinsinn mætir í Hof – Miðasala hafin

Leikritið Prinsinn, eftir Maríu Reyndal og Kára Viðarsson, mætir í Hof 17. og 18. maí. Um samstarf við Þjóðleikhúsið og Frystiklefann á Rifi er að ræða en verkið verður sýnt víða um land áður en sýningar hefjast í Þjóðleikhúsinu í haust.

Prinsinn er nýtt, íslenskt verk og byggir á reynslu Kára sem horfðist í augu við það sautján ára gamall að eiga von á barni. En hversu áreiðanlegt vitni er maður í sinni eigin sögu? Er hægt að muna hlutina rétt? María Reyndal leikstýrir verkinu, en auk Kára leika þau Sverrir Þór Sverrisson (Sveppi), Sólveig Guðmundsdóttir og Birna Pétursdóttir í sýningunni.

Miðasala er hafin á mak.is.