Saga Travel og Leikfélag Akureyrar ganga til samstarfs

Saga Travel og Leikfélag Akureyrar hafa undirritað samning sem felur í sér samstarf í menningartengdri ferðaþjónustu. Meðal verkefna sem fyrirtækin sameinast um eru hvataferðir, stuttar og langar heimsóknir í leikhúsið, innlit á æfingar fyrir ferðamenn og móttökur ýmis konar. Um er að ræða samning til þriggja ára. Það er von beggja aðila að á þeim tíma gefist tækifæri til að kanna möguleika í samþættingu lifandi menningar og þjónustu við innlenda og erlenda ferðamenn.