Spunanámskeið fyrir 18 ára og eldri

Leiklistarskóli Leikfélags Akureyrar kynnir:

Loksins á Akureyri: Spunanámskeið frá Impro Ísland! Helgina 19. og 20. mars kl. 13-16 í Menningarhúsinu Hofi.

Farið er yfir grunnreglur spunans á skemmtilegan og uppbyggilegan hátt. Hugmyndafræðin er útskýrð en hún nýtist ekki aðeins á sviði leiklistar heldur í allri skapandi vinnu sem og í lífinu sjálfu. Spuninn ögrar okkur, kennir okkur að vera í núinu og að hætta að dæma okkur svona hart. Það á bara að vera gaman.

Hákon Örn Helgason kennir á námskeiðinu. Hann er grínisti, sviðshöfundur og spunaleikari og meðlimur í sýningarhópi Improv Ísland og uppistandshópnum VHS.

Námskeiðið kostar 15.000 kr og það er takmarkaður fjöldi þátttakenda. Skráning hér.