Tónleikar og sviðslist

Í Hofi er framúrskarandi aðstaða fyrir ýmiss konar viðburði. Hljómburðurinn í salarkynnum hússins er eins og best verður á kosið og auðvelt er að aðlaga salina að eðli og umfangi ólíkra viðburða. Í Hofi er rúmgóð baksviðsaðstaða, þar sem meðal annars má finna sex búningsherbergi, græna herbergið og aðstöðu fyrir hár og smink.

Hafir þú í huga að koma með þinn viðburð í Hof, skaltu ekki hika við að senda okkur fyrirspurn. Við höfum þjónustað allar tegundir viðburða og með fagfólk í öllum hornum munum við sníða umgjörðina algjörlega eftir þínum þörfum.