Sinfóníuhljómsveit Norðurlands flytur meistaraverkið Boléro eftir RAVEL í fyrsta sinn á Akureyri. Greta Salóme Stefánsdóttir er einleikari á fiðlu í 1. fiðlukonsert Shjostakovich og frumflutt verða tvö ný íslensk verk. Annað þeirra A fragile hope er eftir Daníel Bjarnason, samið í minningu Jóhanns Jóhannssonar kvikmyndatónskálds. Hitt er nýr konsert fyrir hljómsveit eftir hið ástsæla tónskáld Snorra Sigfús Birgisson. Verkið er samið sérstaklega fyrir Sinfóníuhljómsveit Norðurlands og er að hluta til byggt á þjóðlögum frá Norðurlandi. Hægt er að lesa nánar um þennan viðburð í efnisskrá.

SNORRI SIGFÚS BIRGISSON - Konsert nr. 2 fyrir hljómsveit