Frá árinu 2015 hafa jólatónleikar Rigg viðburða verið stór partur af aðventunni hjá tónleikagestum í Hofi. Líkt og fyrri ár er Friðrik Ómar gestgjafi tónleikanna en hann kemur fram ásamt stórkostlegum gestasöngvurum, hljómsveit Rigg viðburða og raddsveit.

„Tónleikarnir í ár eru lokatónleikar Heima um jólin. Ég ætla því að kveðja þetta dásamlega verkefni með látum. Allt hefur sinn tíma. Ég vil þakka öllum gestum okkar fyrir dásamlega samveru á aðventu liðinna ára með von um að við sjáumst í jólaskapi í desember í Hofi!”

Forsala á tónleikana verður miðvikudaginn 27. september í gegnum instagram síðu Friðriks Ómars: fromarinn.
Miðasala á tónleikana hefst fimmtudaginn 28. september kl. 13:00 á mak.is
Miðapantanir fyrir stærri hópa, 30 manns og fleiri sendist á rigg@rigg.is.